Türkçe SIGN IN

MOLA

Gazel

 

Ali Emirî Efendi

 

Sîne-i şevkümde bir hırz-ı mübînümdir kitâb

Dîde-i endîşede nûr-ı yakînümdir kitâb

 

Kalbgâhum merci‘-i feyz-ı necâtum rehberüm

Dest-gîrüm mürşid-i hikmet-karînümdir kitâb

 

Yâdgârıdur birer şems-i zekânun her biri

Nûrdan bir âlem-i feyz-âferînümdür kitâb

 

Bir mutalsam kenz-i lâ yefnâsıdır endîşemün

Şeb-çerâğum gevherüm dürr-i semînümdür kitâb

 

Gülsitânumdur gül-i neşküftedür ma’nâları

Bir meserretgâh-ı vicdân-ı hazînümdür kitâb

 

Sünbülistândur hutut u nev-be-nevdür sünbülü

Bir teferrücgâh-ı tab’-ı şevk-bînümdür kitâb

 

Âşıkân ma’şûk-ı gûn-â-gûna rabt-ı kalb ider

Ehl-i aşkam ben de ma’şûk-ı güzînümdür kitâb

 

Dilber-i nev-hatta bakmam var iken hatt-ı sutur

Yâr-ı cânumdur habîb-i nâzenînümdür kitâb

 

Âlemin mâzîdeki ahval-i gûn-â-gûnını

Keşf içün mu‘ciz-nümâ bir dûr-bînümdür kitâb

 

Hûr ile gılmâna benzer anda mazmûn u me’âl

Hoş geçer ömrüm benüm huld-ı berînümdür kitâb

 

Andadır esrâr-ı Kur’ân andadır feyz-i hadîs

Arş-ı dilde levh-i mahfûz-ı yakînümdür kitâb

 

 

Hikmet anda ma’rifet anda hakîkat andadır

Hâsılı sermâye-i dünyâ vü dînümdür kitâb

 

Hâlıka hamd ü senâ olsun Emîrî rûz u şeb

Kurretü’l-ayn-ı hayâtum hem-nişînümdür kitâb

 

NEWS

ALL NEWS

EDITOR'S CHOICE

SEMINARS

As the most traditonal activity of BISAV, the courses take place in every fall and spring of a year.

MORE INFO


FOLLOW US

Add your e-mail address here to be informed about our programs (seminars, symposiums, panels, etc.).