![](/img/ok2.png)
MOLA
Gazel
Latîfî
Her dem ehl-i dillerün yanında yârıdur kitâb
Mûnis-i evkâtı yâr-ı gam-küsârıdur kitâb
Nitekim eglencesidür mâl ü câhı câhilün
Ehl-i ‘irfânun da mâl-ı bî-şümârıdur kitâb
Yeg durur bin kân-ı zerden ehl-i fazla bir varak
Câhil almaz bir pula n’itsün ne kârıdur kitâb
Kenz-i lâ-yefnâya irer pâdişâh-ı vakt olur
Her kimün gencîne vü gencînedârıdur kitâb
Gel berü ey zulmet içre âb-ı hayvân isteyen
Bu sevâd içre o aynun çeşmesârıdur kitâb
Goncaveş dil-teng olanun gönlin açar gül gibi
San gül-i sad-berg-i fasl-ı nev-bahârıdur kitâb
Ol kişi buldı cihân içinde yâr-ı bî-halel
Ey Latîfî her kimün yanında yarıdur kitâb
BİSAV YAZ PROGRAMI 2024
Batı Sonrası Dünya / Karşıtlıklar, Perspektifler ve Yeni Düzen Arayışları 3-7 Eylül 2024
DETAYLI BİLGİ